Në mos në shoqëri, në punë a në shkollë duhet të keni dikë që vesh gjithnjë të zeza.
Siç tregojnë vetë ata, njerëzit vishen vetëm me të zeza për disa ose të gjitha arsyet e mëposhtme:
- E zeza shkon me gjithçka.
- Preferojnë të shpenzojnë për çanta e këpucë, prandaj blejnë bluza të zeza të thjeshta.
- Nëse ju pëlqen diçka në dyqan, shanset janë që e kanë dhe në ngjyrë të zezë.
- Është shumë e thjeshtë të kombinohesh në mëngjes, sepse gjithçka është e zezë dhe shkon me gjithçka.
- E zeza u shkon të gjithëve dhe të tregon më të dobët.
- E zeza është ngjyrë e lumtur, neutrale dhe e trishtë në të njëjtën kohë.
Këto janë arsyet sipërfaqësore, por në thellësi, ja ç’i bën njerëzit të vishen vetëm me të zeza.
- Njerëzit që vishen vetëm me të zeza janë seriozë dhe të drejtpërdrejtë. Jo vetëm që janë seriozë, por duan të perceptohen si seriozë dhe ç’ngjyrë është më jofëminore se e zeza.
- E dinë shumë mirë se çfarë duan, e dinë ç’rrugë duhet të ndjekin dhe si të marrin atë që duan.
- Njerëzve që vishen me të zeza u pëlqen pushteti dhe e gjëmojnë vazhdimisht. Kanë vullnet të hekurt dhe duan të projektojnë të qenit të fuqishëm dhe autoritativ te të tjerët.
- Duan të duken intimidues dhe të fortë. Disa duan të duken intimidues sepse e kanë trajtë të karakterit, ndërsa të tjerë sepse ndihen të dobët dhe përpiqen ta fshehin në këtë mënyrë.