Provokon sërish Ilir Meta: Jam zgjedhur President nga një Parlament legjitim, jo si ky…


Na ndiqni në Facebook, Instagram dhe Youtube:
  • Facebook
  • Instagram
  • Youtube

Presidenti i Republikës, Ilir Meta deklaron se dekreti i tij që anulon zgjedhjet vendorë të 30 qershorit, është në fuqi. Ai paralajmëroi kryeministrin Edi Rama se do mbajë përgjegjësi nëse vijon të ecë në rrugën e paligjshmërisë, duke rrezikuar paqen sociale dhe stabilitetin e vendit.

Meta u pyet nga gazetarët edhe sa i takon procedurave të nisura nga PS për shkarkimin e tij nga posti, pasi për miratimin e rezolutës në Kuvend dje u arritën 100 vota kundër tij. Meta tha se ai është zgjedhur në krye të shteti nga një Parlament legjitim. “Presidenti është zgjedhur nga Parlamenti, natyrisht jo nga ky; por nga një Parlament tërësisht legjitim. Presidenti i takon Republikës dhe Republika i takon qytetarëve. Data e zgjedhjeve? Sa më parë që të jetë e mundur. Dekreti mund të gjykohet edhe nga Gjykata e Skraparit, që nuk ekziston. Presidenti nuk ndalon askënd të çmendet.

Dekreti është i detyrueshëm për zbatim nga të gjithë. Kush dëshiron të ecë në rrugën e paligjshmërisë, le të vazhdojë! Është e drejta e tij. Presidenti ka të drejtë që të bëjë thirrje çdo ditë për reflektim. Ata që ecin në rrugën e paligjshmërisë duhet të jenë të sigurtë që do të kenë të gjitha pasojat që do të provokojnë paqen sociale dhe stabilitetin demokratik në vend”, u shpreh Meta.