Plas në Kavajë, militantët e PD-së tentojnë të futen në KZAZ (VIDEO)

Përplasje edhe në Kavajë. Mbështetësit e opozitës kanë mbërritur në këto momente pranë ambienteve të KZAZ nr.42 dhe kërkojnë largimin e materialeve zgjedhore. Përreth ndërtesës janë vendosur forca të shumta policie mes të cilëve edhe FNSH. Policia ka përdorur sprajt dhe gaz lotsjellës për të shpërndarë turmën. Ndërsa protestuesit u përgjigjën duke hedhur në drejtim të policisë ujë me presion nga një automjet i shërbimit zjarrfikës.