Një aksident ka ndodhur ditën e djeshme në aksin Jorgucat-Sarandë, pranë Qafës së Muzinës. Nga të dhënat e para mësohet se një autobot që transportonte gaz të lëngshëm është përmbysur në rrugë. Të plagosur kanë mbetur dy shoferët që ishin brenda mjetit. Burime nga policia e Gjirokastrës dhe spitali, i thanë Argjirolajm.net se dyshohet që shoferi i cili drejtonte autobotin ka qenë në gjendje të dehur. Kjo ka bërë që të humbasë kontrollin e mjetit dhe të përmbyset në rrugë. Deri më tani s’ka asnjë njoftim nga Policia e Gjirokastrës për këtë aksident. Argjirolajm.net sjell foto nga vendi i ngjarjes.
