Në rubrikën e sotme të “Dikur” do të kthehemi 20 vite më pas në mbledhjen e Kongresit të dytë të PS-së.
Kryeministri i asokohe Fatos Nano kishte dhënë dorëheqjen nga detyre pas grushtit që u organizua pas vrasjes së deputetit të PD-së, Azem Hajdarit. Gjithashtu ai sapo ishte shpallur i pafajshëm nga akuzat për shpërdorim detyre dhe korrupsion.
Ndërkohë që Nano ishte në burg, postin e tij e mbante rivali i tij në garën partiake Pandeli Majko që mbështetej edhe nga grupimi i Ilir Metës.
Gjatë kongresit Nano ka shprehur dëshirën e tij që pasardhësi i tij në krye të shtetit të ishte një grua, njëra prej shumë të angazhuara në PS. Kërkesë e cila u reflektua gjërësisht në të gjitha gazetat e kohës.
Në fund të kongresit Nano u rizgjodh kryetar me 297 vota përkundrejt kandidaturës së Majkos me 261 vota. Fitore që u mbështet edhe nga shkrimtari shumë i angazhuar në PS, Dritëri Agolli.
