Pas sherrit me drejtorin e Bashkisë Gjirokastër, këshilltari i ‘përvishet’ edhe prefektit: Nuk po bën detyrën, je komplet në hije


Na ndiqni në Facebook, Instagram dhe Youtube:
  • Facebook
  • Instagram
  • Youtube

Pas ‘sherrit’ me drejtorin e Zamira Ramit në Bashkinë Gjirokastër, Armand Mamani, anëtari i Këshillit Bashkiak, Gramoz Braho ka bërë akuza sot edhe ndaj prefektit të qarkut Astrit Aliaj. Duke folur për Tv Alpo, Braho tha se pakica egjiptiane në Gjirokastër vazhdon të diskriminohet edhe në sektorin arsimor. Ai solli shembullin e shpërndarjes së teksteve shkollore falas dhe punësimin e mësuesve. Për këto ai bëri me faj për neglizhencë edhe prefektin e qarkut. 

‘I bëj thirrje zotit prefekt, i cili është proklamuar kaq gjatë nga kryeministri Rama, të kryejë detyrën e tij sepse deri më tani është totalisht në hije përsa i përket vendimeve të qeverisë për pakicat. Ai është përfaqësues i Këshillit të Ministrave dhe sot ky zotëri, kjo prefekturë nuk po kryen me sa duket detyrën të cilën i është ngarkuar. Është totalisht në hije’, tha Braho

© ArgjiroLajm.net