Pas dështimit me turp në Europë, Luftëtari nesër në fushë për një ndeshje miqësore


Na ndiqni në Facebook, Instagram dhe Youtube:
  • Facebook
  • Instagram
  • Youtube

Luftëtari do të fillojë sezonin e ri në Kategorinë Superiore javën e ardhshme me një ndeshje mjaft interesante ndaj Kastriotit, një duel ku gjirokastritët do të shohin se sa ka ndikuar ajo disfatë europiane te grupi i lojtarëve. 

Gjirokastritët kanë bërë shumë lëvizje në verë, duke afruar emra të rinj, por kanë ruajtur bazën e vitit të kaluar. Detyra e trajnerit Koshtiç ishte sidomos të ndryshonte manovrën ofensive të ekipit, e cila kishte varësi të plotë ndaj Bregut dhe Abazajt, të dy të larguar, për t’i dhënë një identitet të ri lojës së skuadrës.

Nëse Europa nuk tregoi asgjë në këtë drejtim, në miqësoret e fundit Luftëtari ka filluar të dhurojë shenja reagimi. Një miqësore e tillë nesër do të shërbejë për të parë se në cilën pikë janë bluzinjtë vetëm një javë para fillimit të kampionatit. Luftëtari do të udhëtojë drejt Ballshit, ku pasdite do të zhvillojë një miqësore me Bylisin, në atë që do të jetë prova e fundit për ndeshjen ndaj Kastriotit dhe do të tregojë se ku është skuadra me afrimet e reja.