E ardhmja e Starovës është vënë shpesh në dyshim këto kohë, me Milinkoviç që shihet si pasuesi i tij.

Vetë trajneri i Partizanit, në konferencën për shtyp para ndeshjes me Botev Plovdiv, qartësoi se do jetë në krye të ekipit deri kur të dojë ai.

“Do të jem këtu derisa të dal në pension, komandën e ka tjetër kush, posti im është këshilltari i Gaz Demit që është mbi të gjithë drejtorët e tjerë që janë. Jam edhe vartës, jam edhe drejtues. Nuk ka asnjë shteg të hapur, e dini që jam edhe këshilltar, edhe trajner, llogariteni vetë se çfarë jam. Përgjigjen duhet ta merrni përfundimtare te presidenti, unë jap garancitë e mia që i përgjigjem kërkesave të skuadrës”.

“Milinkoviç te Partizini? Me gjithë respektin për Milinkoviç, që ka bërë një punë të mirë të Gjirokastra, e kam cilësuar si një trajner të mirë, që la një gjurmë. Sigurisht që e humbi shkëlqimin në fund fare. Këshilla ime ka qenë ‘jo ai person’, pasi përderisa çelësat i ka marrë Moxhi, drejtori i përgjithshëm është ai. Ka trajnerë sa të duash bota”.