Një thirrje e fortë vjen nga burgu i Xanias në Greqi, ku 54-vjaçari shqiptar Shaban Veizi, i dënuar me burgim të përjetëshëm. Me të dënuarin në fjalë ka biseduar gazetari shqiptar në Athinë Shpëtim Zinxhiria. Veizi i ka treguar gazetarit se, ende nuk i kanë siguruar një avokat dhe askush nuk eshte interesuar pse ky njeri po kalbet në burg për 16 kg hashash.
Sipas Zinxhirisë, “54–vjeçari nga Konispoli përbën një rastet e rralla për drejtësinë greke dhe për indiferentizmin e shtetit shqiptar. I dënuar më 2004 me burgim të përjetëshëm nga drejtësia e vendit fqinjë për trafikimin e 16 kg hashash, një dënim i paparë dhe i ndigjuar ndonjëherë jo vetëm në Greqi por në mbarë planetin ku jetojmë, një gjyq qe zgjati vetëm 2 minuta”.
Por sipas tij, “çudia më e madhe është për shtetin shqiptar, për Ambasadën Shqiptare në Athinë apo edhe për Drejtorin e Përgjithshëm të Policisë, me të cilin pas një komunikimi me telefon tregoi se sa i pashpirt është”
Sipas tij, dënimi ekstrem vjen vetëm për shkakun se Veizi është pjesë e komunitetit çam.
“Më 15 maj të këtij viti shqiptari kishte gjyqin ne Gjykatën e Shkallës së Lartë, por si shqiptar apo ÇAM, atij nuk i kishin dhënë avokat, kështu qe shqiptari kërkoi shtyrjen e gjyqit, i cili do të bëhet me 18 shtator të këtij viti, por edhe këtë radhe shqiptari shkon pa avokat mbrojtës”, shkruan Shpëtim Zinxhiria.
Nga burgu, shqiptari 54-vjeçar, baba i dy fëmijëve, i kërkon shteti shqiptar të jetë prezente në gjykimin e tij për të parë si dënohen shqiptarët, gjithashtu kërkon ndihmën e shtetit shqiptar që të ndërhyjë për të siguruar edhe një avokat mbrojtës.