Njihuni me vrasësin serial të 49 femrave: Mishin e grinte dhe ua shiste… (FOTO)


Na ndiqni në Facebook, Instagram dhe Youtube:
  • Facebook
  • Instagram
  • Youtube

Një dokumentar i ri hedh dritë më shumë në lidhje me një prej vrasësve serialë më të tmerrshëm në botë. Robert Pickton, një fermer derrash nga Kanadaja, vrau 49 femra në pronën e tij. Trupin e tyre e përdorte për të bërë mish të grirë, të cilin më pas ua shiste klientëve, disa prej të cilëve ishin policë.

Ai u arrestua në shkurt të vitit 2002. Tashmë 68 vjeç, ai ndodhet në burg. Në dokumentar, Pickton flet me një polic të fshehtë, i maskuar si i burgosur. Pickton përshkruan se si qëllimi i tij ishte që të vriste 50 viktima, por u tregua pak i ngadaltë dhe e humbi objektivin për vetëm një femër. Pasi e arrestuan në vitin 2002, policia zbuloi gjurmët e ADN-së të 26 femrave, shumica e të cilave prostituta, të cilat i merrte në lagjen e dritave të kuqe në Vankuver.

Teknikat e vrasjes ishin të ndryshme. Në disa raste u injektonte antifrizë në trup, duke u thënë se ishte drogë. Në raste të tjera i therte. Në rrëfimin e tij, krejt i akullt, ai e pranon se u bë i avashtë kohët e fundit. Kur oficeri i maskuar i thotë se mënyra më e mirë për të hequr qafe trupat është që t’i hedhësh në oqean, ai thotë: “Unë e kisha më të mirë, i çoja në punishten e grirjes së mishit”. “Në fund u bëra i avashtë. Më kapën. Doja të vrisja edhe një, doja të bëja 50”.