Dy fëmijë, njëri prej të cilëve i sëmurë me autizëm, u braktisën nga prindërit. Ngjarja ka ndodhur në Gjirokastër. Të zbritur nga Buz i Tepelenës, para disa kohësh, cifti Dervishi u vendos në nje banesë dy katëshe në lagjen ‘Zinxhira’. E vetmja mundësi jetese ishte pensioni që përfitonin nga kujdestaria e djalit 6-vjeçar me inicialet N.D. Për shkak të grindjeve të shpeshta, çifti u bë i njohur shpejt në lagje. Xhelozia që shfaqte burri karsh, ishte burimi i grindjeve duke çuar deri në largim nga shtëpia të bashëshortes. Jo pak herë ishin fqinjët që kujdeseshin per dy femijët të cilët liheshin vetëm të paveshur dhe të paushqyer. Vera, njëra prej komshieve u shpreh se “djali kishte raste dilte në rrugë i pashoqëruar dhe jo pak herë jeta e tij ishte vënë në rrezik”.
Ajo thotë se çifti kishte mosmarrveshje dhe për këtë arsye ishin në proces divorci. Kryefamiljari kishte punuar disa vite me Greqi si bari delesh dhe të gjitha kursimet i kishte shpenzuar duke blerë disa krerë të imta. Me vendosjen në Gjirokastër punonte ku të mundte. Kushtet social-ekonomike ishin nën nivelin mesatar. Pak orendi të vjetra, (dy divane dhe një tavolinë) ishin kapitali i vetëm i tyre në banesë. Frigoriferi në të shumtën e rasteve ishte bosh. Femijët të kequshyer dhe të paveshur. Falë bujarisë së fqinjëve ata gëzonin ndonje vakt të plotë.
Nëna largohej nga shtëpia dhe i linte ata vetëm, të njejten gjë bënte edhe i ati. Jo pak herë, sic shprehen fqinjët, fëmijët mbylleshin me orë të tëra brenda dhe dilnin në dritare duke qarë. Në këto kushte fqinjët njoftonin të afërmit nga babai. Por ata e kishin të pamundur kujdesin për shkak të specifikës që kishte djali. Ishte i sëmurë me autizëm. Në momentin e parë Njësia e Mbrojtjes së Fëmijëve, ndihmoi duke siguar disa pako ushqimore.
Ndërsa më pas të gjendur përpara papërgjegjshmërisë prindërore, pasi të dy, nëna dhe babai, kanë hequr dorë nga kujdesi për fëmijët dhe duke marrë në konsideratë rrezikun për jetën e tyre, Bashkia Gjirokastër i mori menjëherë në përkujdesje të përkohshme.
Në bashkepunim me Shërbimin Social Shtetëror Gjirokastër, 6- vjecari u vendos në një Qender të Zhvillimit Rezidencial. Ndërsa vajza rreth 4 vjec tashmë jeton me gjyshërit nga ana e babait dhe dy xhaxhallarët. Gjykata e Rrethit Gjyqësor Gjirokastër konfirmoi sot vlefshmërinë e masës emergjente të mbrojtjes ” Vendosje në përkujdesen alternative” për fëmijët me inicialet N.D dhe R.D, kërkesë kjo e bërë nga Bashkia Gjirokastër.
© ArgjiroLajm.net
