Demokratët e Përmetit me sa duket janë të hutuar sa që edhe urimet në rrjetet sociale për ditëlindjen e kryetarit Lulzim Basha, i marrin copy-paste nga faqe të tjera, por harrojnë që t’i përshtasin siç duhet.
Kështu ka ndodhur sot, ku në faqen e PD Përmet është uruar ditëlindja e Bashës përmes demokratëve të Pukës. Ka dy mundësi. Demokratët janë të hutuar nga 45-vjetori i lindjes së kryetarit të tyre ose nga fakti se po e humbasin në tavolinë edhe Bashkinë e Përmetit, pasi Niko Shupuli shkoi dhe mori mendjen e Lulit e Monikës duke ngelur jashtë zgjedhjeve.
Le të shpresojmë se është ajo e para, thjesht çështje entuziasmi për ditëlindjen e kryetarit që i udhëheq nga njëra humbje në tjetrën. Sa po të jetë për zgjedhjet, jo vetëm që do të bëhen, por Alma Hoxha e fiton edhe Përmetin pa ndonjë sforco të madhe. Për këtë i vjen plasje e madhe edhe Nikos vetë. Shihni postimin më poshtë.
©argjirolajm.net
