Luftëtari vazhdon të përforcojë skuadrën duke afruar ende lojtarë në merkato. Dy humbjet në dy ndeshjet e para kanë bërë që drejtuesit të forcojnë akoma edhe më shumë merkato. Ditën e sotme, skuadra gjirokastrite ka bërë zyrtarizimin e sulmuesi, Bledi Muça, ndërsa po ditën e sotme është prezantuar edhe një tjetër lojtar.
Bëhet fjalë për Cerezo Hilgen, që vjen nga PS Kalamata, ndërsa më të shumtën e karrierës së tij e ka kaluar në Hollandë. Hilgen luan si qendërmbrojtës, para mbrojtjes, por edhe si mesfushorë i djathtë. Një lojtar që mbulon 3 role në fushë dhe pritet të jetë një vlerë e shtuar për skuadrën e Duros. Është sërish mexhari Vasil Xhai që ka bërë të mundur edhe këtë lëvizje drejt skuadrës gjirokastrite.