Në fillim të muajit mars rreth 50 vetë do të humbasin vendin e punës në Bashkinë Gjirokastër apo institucionet në varësi të saj.
Në mbledhjen e fundit të Këshillit Bashkiak për vitin 2019 u miratua struktura e re, e cila parashikon reduktim të vendeve të punës dhe rrjedhimisht ulje të shpenzimeve për paga e sigurime shoqërore.
Numri do të zbresë nga 632 punonjës në rreth 590. Dalin jashtë strukture edhe ata punonjës që ishin me kontrata sezonale.
Edhe pse kjo lëvizje ka një kosto sociale në ato familje që humbasin të ardhurat nga kjo pagë, Bashkia Gjirokastër përllogarit që të kursejë rreth 110 milionë lekë nga këto shkurtime, buxhet që është thënë se do të përdoret për investime publike.
©argjiroja.net
