Dy ditë para fillimit të kampionatit, skuadra e Luftëtarit siguron një tjetër firmë, një lojtar i cili ka qenë pjesë e Partizanit, por pa gjetur hapësira me të kuqtë dhe në dy sezonet e fundit ka luajtur vetëm në Kategorinë e Parë.
Gresild Lika i është bashkuar sot skuadrës gjirokastrite, pas eksperiencave në vitet e fundit me fanellën e Dinamos dhe të Korabit. Mesfushori do të vihet menjëherë nën urdhrat e trajnerit Klevis Dalipi, i cili po vijon përgatitjet për ndeshjen e parë të sezonit, sfidën mjaft të vështirë ndaj Tiranës.
Lika ka luajtur rregullisht në dy sezonet e fundit në Kategorinë e Parë, ndërsa regjistron mbi 40 ndeshje me fanellat e skuadrave të Dinamos e Korabit, në sezonet 2017-2018 dhe 2018-2019, duke qenë në të shumtën e rasteve titullar. Ndaj ai shihet si një alternativë mjaft cilësore për mesfushën e Luftëtarit.
