Ndryshon ora, por problemi mbetet: A kemi nevojë për këtë gjë?


Na ndiqni në Facebook, Instagram dhe Youtube:
  • Facebook
  • Instagram
  • Youtube

Fundjava e fundit e marsit rezervoi ndryshimin e orës. Në orën dy të mëngjesit, ora shkoi tre, duke shënuar atë që njihet edhe si ora verore. Shumë njerëz do ndjehen mirë, pasi dita do zgjatet dhe do shijojnë një orë më shumë. Vendet europiane nisën të sinkronizojnë ndryshimet në orë që në vitet ’60. Megjithatë direktiva e fundit u tha në vitin 2001 për një ndryshim të unifikuar.

Por kohët e fundit presioni është në rritje për të mos patur një ndryshim oraresh. Sipas kritikëve, në verë njerëzit kanë mjaftueshëm kohë gjatë ditës për shkak të diellit, kurse problemi është në dimër, kur dita mbyllet shumë shpejt.

Gjermania thotë se efekti ekonomik i këtij ndryshimi nuk është ai që mendohet. Bëhet fjalë për rreth 500 milionë euro, një shumë thuajse e pakonsiderueshme.

Por a ka shanse që Parlamenti Europian të ndërmarrë ndonjë vendim? Çdo vend në fakt është i lirë të caktojë orën, por Euronews shkruan se pavarësisht presionit, nuk ka shanse që të ketë ndonjë veprim serioz nga Brukseli.