Ndeshja me Skënderbeun, ja cilët janë 5 titullarët që do t’i mungojnë Luftëtarit


Na ndiqni në Facebook, Instagram dhe Youtube:
  • Facebook
  • Instagram
  • Youtube

Luftëtari do të vijojë që të ketë mungesa të lojtarëve titullarë dhe bëhet fjalë nga ata që janë me “peshë” në skuadrën bluzi. Kështu, duke filluar që nga kapiteni Behar Ramadani, që ka nisur përgatitjet, por do ende kohë që të kapë formën më të mirë. 

Krahas tij, të dëmtuar janë edhe Rapa, Ymeraj apo dhe Rustem Hoxha. Por, duket se një tjetër problem del në mbrojtje dhe është Aurel Demo. Ai ka plotësuar numrin e kartonëve të verdhë dhe nuk do të jetë në sfidën ndaj korçarëve.

Për fat, Luftëtari e ka siguruar mbijetesën, ndërsa në këto dy ndeshje do të afrohen edhe lojtarë nga të rinjtë, aq më tepër që u zhvillua edhe testi i kontrollit me U-19, ku janë vëzhguar disa element që kanë bërë diferencën me të rinjtë.