jë tjetër koncesion është shfaqur në horizont këtë fillim gushti. Ministria e Infrastrukturës dhe Energjisë ka shpallur procedurën e garës për portin “Marina Limioni” në Sarandë që sipas dokumenteve do të ketë një kohëzgjatje 35-vjeçare.

“Ministria e Infrastrukturës dhe Energjisë ka vendosur të implementojë projektin për dhënien me koncesion/Partneritet Publik Privat të portit turistik dhe të shërbimeve “Marina Limion”, propozim i kërkuar. Përzgjedhja e Ofertuesit Fitues do të bëhet në bazë të një procedure konkurruese (procedurë e hapur) sipas kritereve. Ky port do të shërbejë për furnizimin me naftë të jahteve luksoze.

Mësohet se jahtet do ta marrin naftën pa akcizë, ndryshe nga qytetarët e tjerë shqiptarë që e paguajnë më shtrenjtë. Kjo lehtësi vlerësohet nga qeveria si një mënyrë për të tërhequr drejt Shqipërisë më shumë jahte luksoze të pasanikëve të huaj.