‘Monstra’ i Selenicës del para gjykatës, policët: Ai as nuk qesh dhe as nuk qan kurrë


Na ndiqni në Facebook, Instagram dhe Youtube:
  • Facebook
  • Instagram
  • Youtube

Vrau 8 persona, madje dhe dy fëmijë. Të gjithë i kishte gjak, familjarë të tij. Fjala është për Ritvan Zykajn, të riun i cili ka hyrë në histori si personi që kreu masakrën e Selenicës vitin e kaluar, një masakër e paparë ndonjëherë në 30 vitet e demokracisë shqiptare.

Të mërkurën Ritvan Zykaj del përpara gjykatës në një proces që me gjasë do të përmbyllet me dënimin e përjetshëm të tij.

Por ajo që edhe vetë policët që kanë mundur t’i afrohen (Zykaj qëndron në dhomat e izolimit në Vlorë) thonë, është se Zykaj nuk flet me askënd, nuk bën asnjë lloj mimike dhe është plotësisht i heshtur. Policët thonë se nuk qesh e as qan, por ka një pamje prej psikopati të frikshëm.