Kryetarja e LSI, Monika Kryemadhi, teksa marshonte drejt Kryeministrisë, bëri sërish thirrje për protestë paqësore. Kryemadhi tha se çdo akt dhune është në interesin e Edi Ramës dhe i zgjat atij qëndrimin në postin e kryeministrit.

“Qytetarët të distancohen nga çdo akt dhune. Çdo dhunë, çdo provokim që ne bëjmë sot, nuk është në favorin tonë. Edi Rama është i ikur. Vetëm dhuna ia shton qëndrimin atij. Sot, kjo protestë madhështore, është çlirim shpirtëror edhe për socialistët që ndjehen të kapur nga Edi Rama”, u shpreh kryetarja e LSI.