E ftuar mbrëmjen e djeshme në emisionin ‘Aktualitet” Monika Kryemadhi ka bërë një rrëfim krejt ndryshe nga herët e tjera, ku foli edhe për frikërat e saj më të mëdha. Kryemadhi tregoi frikën e saj se një ditë mund të ngelet e vetme. Ajo u shpreh se i rri si çekan në kokë fakti që një ditë s’do ketë njeri për t’i hapur derën.
“Kam qenë në shumë fshatra dhe kam gjetur një djalë në moshën 14 vjeç në zonën e veriut. Ai kishte mamin e paralizuar dhe do të ikte në Itali. Mamanë tha do ta çoj te halla në qytet. Takova dhe një djalë tjetër që nuk ikte dot, sepse kishte expuls.
Duke biseduar me ta fillova të mendoja, ore se edhe mua fëmijët a do më vijën apo s’do më vijnë më. Se të mbarosh matematikë nuk vjen më. Ku do shkojë, do vijë këtu të punojë mësues matematike?
Do iki në Afrikë, do kërkojë mundësitë e veta… Mirë unë që kam Ilir Metën, se ata si racë rrojnë shumë, xhaxhai dhe gjyshi i kanë vdekur të mëdhenj shumë, vdesin mbi 100 vjeç. Por mos ta kem unë atë, do katandisem vetëm, s’do kem njeri të më hapë derën…”– tha Kryemadhi.
