Kryetarja e LSI-së Monika Kryemadhi e ftuar në emisionin “aktualitet” në Fax News, u pyet nëse është penduar për ndonjë vendim politik që ka marrë.
Kryemadhi tregoi se dy nga vendimet e gabuara që ka marrë janë ligji i plehrave dhe ai për arsimin e lartë.
“Sigurisht që ka vendime të gabuara, por që kanë qenë të imponuara nga rrethanat. Një gjë e gabuar ka qenë ligji i plehrave, që duhet të kisha marrë fjalën për të folur, jo të mos merrja pjesë në votim. Tjetër është dhe ligji për arsimin e lartë, që jam penduar. Nuk jam penduar që kam tre fëmijë dhe sigurisht që jam martuar me Ilir Metën“, deklaroi Kryemadhi.
