Zakonisht, kur bëhet fjalë për nisma me karakter bamirësie, ato nuk bërtiten me zë të lartë, por thjesht bëhen. Të ndjera, me një mision konkret që ka si qëllim përmirësimin e jetës së dikujt ose të një kategorie të caktuar shoqërore, ato lënë gjithmonë një shije të mirë pas. Sidomos për vet protagonistët dhe ata që i ndërmarrin të tilla nisma. Roza Lati, moderatorja e njohur e Ora News, është një ndër vajzat e njohura të showbiz-it shqiptar që bëhet shpesh palë me nisma bamirësie. Dhe ajo këtë e ka shprehur përmes intervistave të ndryshme, por së fundmi këtë gjë e ka konkretizuar edhe me marrjen e një çertifikate bamirësie me motivacionin në ndihmë të fëmijëve jetim të Qarkut Gjirokastër.
Në fakt, kjo çertifikatë është marrë vitin e kaluar, por kanë qenë fansat ata që duket se e kanë nxitur për ta bërë publike këtë gjë. “Mirëmëngjes ju haters. Kur të ma kaloni mua, guxoni dhe villni vrer nëpër komentet tuaja kur bëhet fjalë për bamirësi. Këtë foto po e postoj se vetë më shtytë”, ka shkruar Roza në foton që ka postuar pak më parë. Ndërkohë, që në komentet poshtë fotos, fansat vijojnë ta akuzojnë se pse poston foto të tilla, ndërkohë që Roza këmbëngul në motivet e saj, duke ua mbyllur gojën të gjithëve! Bravo Roza!
