Gjatë një interviste në A2 Cnn, Mirela Kumbaro është pyetur edhe për kandidatin e Partisë Socialiste në Bashkinë Gjirokastër. Ndonëse gazetarja kërkoi emra, Kumbaro nuk dha një përgjigje konkrete.
“Bëni durim sepse jemi ende në fazë diskutimi të të gjithë procesit. Rëndësi ka që kemi kandidatë të mirë. Kështu që e vetmja vështirësi është vështirësia e zgjedhjes mes më të mirëve”, u shpreh ish-ministrja e Kulturës dhe njëherazi deputete e qarkut.
PS thërret të shtunën Kongresin, ku pritet që edhe të mësohen emrat e kandidatëve. Por Rama nuk ka gjasa t’i zbulojë të gjithë emrat. Nga të dhënat e deritanishme flitet se do të bëhen publik vetëm kandidatët e bashkive qendër qarku.
©argjirolajm.net
