Merret vendimi, qeveria shkrin një tjetër institucion

Qeveria shqiptare në mbledhjen e djeshme ka miratuar vendimin për shkrirjen e Agjencisë së Zhvillimit të Zonave Malore. Ky institucion funksiononte si një agjenci e specializuar për nxitjen e zhvillimit ekonomik në zonat rurale malore të Shqipërisë. Misioni i Agjencisë ishte të përmirësojë cilësinë e jetës së njerëzve në zonat malore rurale në linjë me vizionin për zhvillimin e zonave malore, inkurajimi i zhvillimit të balancuar dhe të qëndrueshëm, mbështetja e aktiviteteve zhvilluese me baze pjesëmarrje, targetimi me prioritet duke i dhënë mbështetje konkrete për zhvillimin e sektorit të bujqësisë me një avantazh konkurrues në treg. Vendimi përcakton se Ministria e Bujqësisë ngarkohet të ndjekë procedurat.