Bashkia Gjirokastër ka nisur punën për rehabilitimin e kanalit të ujërave të zeza në fshatin Arshi Lengo. Kryebashkiaku Flamur Golemi dhe drejtori i Ujësjëllës Kanalizime, Gentian Llogo, ishin në terren për të inspektuar punimet. Golemi thotë se kurrë më parë nuk ishte vënë dorë për zgjidhjen e këtij problemi.
“Muaj më parë e pashë vetë gjendjen skandaloze në fshatin Arshi Lengo, ku ujërat e zeza dergjeshin rrugëve dhe rrezikonin jetën e rreth 40 familjeve. Nuk ishte vënë dorë kurrë në të kaluarën. Tashmë u riktheva për të parë nga afër punimet që po kryhen për rehabilitimin e kanalit, i cili do të zgjidhë përfundimisht këtë problem. Investimi i ri do të përfundojë shumë shpejt”, shprehet kryebashkiaku.
Golemi shton gjithashtu se gjatë vitit 2020 do të ketë hapen të tjera kantiere investimesh në Bashkinë Gjirokastër.
©argjirolajm.net
