Mediat greke zbulojnë policin e Gjirokastrës që sipas tyre provokoi ekstremistin Kacifas (FOTO)

Na ndiqni në Facebook dhe Instagram:
  • Facebook
  • Instagram
  • Youtube

Mediat greke vazhdojnë të kenë në vëmendje të tyre çështjen e ekstremistit Kostandinos Kaçifas, i cili u vra në datën 28 tetor pasi qëlloi me armë policinë në Bularat.

Por gjatë ditës së sotme, mediat e shtetit fqinj kanë zbuluar detaje të reja, që sipas tyre kanë sjellë reagimin e dhunshëm dhe me armë të Kaçifasit. Një prej mediave shkruan se Kostandin Kaçifasi kishte ditë të tëra që ngacmohej e provokohej nga policia shqiptare dhe nga inspektori i zonës së Bularatit, oficeri me inicalet Q.P.

Fantazia e mediave greke shkon deri aty sa thonë se pasi Kaçifasi është provokuar për ditë të tëra, ditën që ndodhi ngjarja atij i është vënë edhe arma në kokë.

Sipas këtyre mediave, arma që kishte Kaçifasi në dorë ishte e policit që e ngacmonte dhe që ekstremisti grek ja kishte rrëmbyer nga dora.

Ditën e ngjarjes Kaçifasi është kërcënuar me armë në kafenenë e fshatit nga inspektori Q.P, gjë e cila ka sjellë reagimin e tij të dhunshëm, që më pas solli vrasjen nga RENEA.

Sondazh: Votoni personazhin e vitit 2018 në Gjirokastër (lista me 10 kandidatë)