Greqia numëron sot plot 1544 të infektuar me Covid-19. 56 persona kanë humbur jetën si pasojë e këtij virusi. Në anijen “Eleftherios Venizelos” të ankoruar dhe karantinuar në Pire numri i të infektuarve ka shkuar në 119. Në fund të marsit anija u ndalua në Pire dhe nuk u lejua zbarkimi i udhëtarëve për shkak të rasteve me koronavirus. Autoritetet greke po mbajnë nën vëzhgim anijen dhe po kujdesen për pacientët. Po ashtu rastet e para janë shënuar në ishujt turistikë të Kos dhe Mykonos.