Luftëtari sjell në Gjirokastër një futbollist rus


Na ndiqni në Facebook, Instagram dhe Youtube:
  • Facebook
  • Instagram
  • Youtube

Luftëtari ka bërë merkato deri në Rusi. Mesfushori Vladimir Esin ka mbërritur në Gjirokastër dhe është vënë nën urdhrat e trajnerit Julian Ahmtaj. Futbollisti 24-vjeçar ka luajtur në ligën e dytë dhe të tretë ruse dhe tani do të provojë një eksperiencë të re në Superiore.

Sot ai është prezantuar te Luftëtari në prani të menaxherit të tij Florian Biba. Esin ka firmosur deri në fund të këtij sezoni me opsion rinovimi edhe për një sezon tjetër. Në Gjirokastër ai ka mundësinë të tregojë vlerat e tij dhe të shpresojë që të transferohet në një kampionat më të fortë në të ardhmen.

Trajneri Ahmataj mund të bëjë llogari me Esin në vazhdim të kampionatit. Gjirokastritët kanë bërë disa afrime gjatë janarit dhe objektivi kryesor është largimi sa më shpejt nga zona e ftohtë.

Pas humbjes së pësuar në takimin e parë të fazës së tretë me Kastriotin, Luftëtari iu rikthyer rezultatev pozitive duke befasuar Laçin. Takimi i radhës për bluzinjtë është ai i me Flamurtarin të dielën prej orës 14:00.