Një vit më parë, Luftëtari vinte pas një aventure jo të mirë në Europë, E megjithatë sezoni nisi sërish me “oreks” për bluzinjtë, ndonëse kishin pësuar largimet e kualiteteve, e sidomos të Bregut e Abazajt.
Në katër javët e para 0 pikë, më pas kthesa, 4 trajnerë në sezon dhe shumë oshilacione, por në Gjirokastër shkuan deri në gjysmëfinalen e Kupës, e madje edhe duke qenë “kockë e fortë” sepse kualitete nuk mungonin.
Por, këtë verë, Gjirokastra u kthye në një supermarket vere, për ekipet e Kosovës dhe Superiores. Thuajse tërë titullarët e vjetshëm të larguar. Në ekip kanë mbetur vetëm Rapo, Açka, Fili që iu bashkua fazën e dytë bluzinjve apo dhe Hyseni e Oshfi apo shkodrani Kukaj që u bën titullarë vetëm javët e fundit.
Janë afruar shumë lojtarë këtë verë, mes tyre nga Bullgaria, Greqia apo dhe të rinj që kanë luajtur në Kategorinë e Parë. Mbijetesa duket e vështirë këtë sezon në Gjirokastër…
Të afruar: Panajotis Paiteris, Cerezo Hilgen, Franc Lala, Enes Isufi, Redon Dragoshi, Paraskevas Prikas, Klinti Qato, Gresild Lika, Jurgen Dushkaj, Bledi Muçaj, Andi renja, Mario Morina, Angelmo Vyvent e Ardit Zijaji i rikthyer….
Të larguar: Shkëlzen Ruçi, Edvan Bakaj, Albano Aleksi, Xhekson Pereira, Rustem Hoxha, Behar Ramadani, Oltion Rapa, Ismail Dunga, Olaitan, Maldin Ymeraj, Dimitris Kotcionis, Ëraden, Hanti, Neziri.