Java e 32-të e Superiores ishte pozitive për Luftëtarin, që barazoi në Kamzë, ndërkohë që rivali më i afërt, Partizani, u mund në fushën e tij nga Teuta. Pikërisht me Partizanin ekipi jugor do të luajë nesër në Gjirokastër. 

Është mundësuar më e mirë që Luftëtari të sigurojë vendin e tretë, duke thelluar diferencën prej 5 pikësh që ka aktualisht me të kuqtë, por nuk do ta ketë të lehtë. Trajneri Hasan Lika do të ketë dy mungesa të rëndësishme në këtë ndeshje: mbrojtësin e djathtë Lejdi Liçaj dhe mesfushorin Albano Aleksi.

Janë të dy të skualifikuar pas kartonëve të verdhë që morën në ndeshjen e fundit me Kamzën. Nga ana tjetër, rikthehen në ndeshjen e së mërkurës Kristal Abazaj dhe braziliani Xhekson. I pari ishte i skualifikuar ndaj Kamzës, ndërsa i dyti i dëmtuar.

Në ndeshjen e fundit ishte Liçaj që luajti në vendin e Abazajt, kurse në të majtë të mbrojtjes luajti i riu Demo. Mbetet për t’u parë zgjedhja e stafit teknik të Luftëtarit për zëvendësuesin e Aleksit, ndërsa në të djathtë të mbrojtjes pritet të aktivizohet Rapa.