Ministrja e Shëndetësisë, Ogerta Manastirliu ka dhënë lajmin se dy infermierë të infektuar me koronavirus janë shëruar. Manastirliu ka postuar foton e tyre, krah bluzave të tjera të bardha duke shtuar se deri më tani numri i të shëruarve nga radhët e stafit mjekësore ka shkuar në 15.
“Edhe 2 infermierë janë shëruar pas testit konfirmues nga laboratori i virologjisë në IShP. Shkon në 15 numri i mjekëve dhe infermierëve të shëruarve nga COVID-19,“-shkruan krahas fotos ministrja.
Numri i të shëruarve në Shqipëri ka shkuar në 89. Ndërsa Ministria e Shëndetësisë njoftoi sot se numri i personave të infektuar në vendin tonë ka shkuar në 304. 16 persona kanë ndërruar jetë. Në 24 orët e fundit janë shënuar 12 raste të reja në Shkodër. Po kështu, harta e rasteve është zgjeruar edhe në Tiranë, Durrës, Fier, Lezhë, Mirditë e Kavajë.
