Kundërshtari i gjirokastritëve në Europa League, flet rajneri i Ventspilsit: E njoh mirë futbollin shqiptar, as nuk po e mendoj Luftëtarin


Na ndiqni në Facebook, Instagram dhe Youtube:
  • Facebook
  • Instagram
  • Youtube

Shorti i hedhur në Nion të Zvicrës për turin e parë të ligës së Europës, rezultoi me fat për gjirokastritët e Luftëtarit, duke qenë se goglat i vunë përballë një kundërshtar të lehtë në letër si Ventspilsi i Letonisë. 

Nëse në Shqipëri mendojnë se është short i lehtë, edhe në Letoni në fakt ndihen me fat që kanë një kundërshtar si Luftëtari. Trajneri i Ventspilsit, Dejan Vukiçeviç është shprehur se e njeh mirë futbollin shqiptar dhe se ndaj Luftëtarit do të luhet për kualifikim megjithëse ka ende kohë për të menduar dhe studiuar.

“E ndoqëm me shumë vëmendje shortin e hedhur sot në Nion. E njoh mirë futbollin shqiptar dhe kam filluar të mbledh informacion për Luftëtarin. Europa League është një kompeticion i rëndësishëm dhe tifozët duan që të kualifikohen. Ne kemi ende kohë deri atë ditë por si fillim duhet të shohim nga ndeshja e radhës që kemi këtë javë dhe më pas të mendojmë për Europën. Nuk po mendoj për Luftëtarin por për ndeshjen e radhës në kampionat”, u shpreh tekniku Vukiçeviç.