Një nga gjërat që ka funksionuar keq katër vitet e fundit në Sarandë dhe normalisht i faturohet si dështim kryebashkiakes që iku, Floriana Koka, ishte menaxhimi i mbetjeve urbane. Pirgjet me plehra dergjeshin rrugëve të qytetit.
Edhe pse situata denoncohej vazhdimisht në media, përmirësimi nuk dukej gjëkundi. Për fat të keq vazhdon të jetë e njëjtja gjendje edhe në këto ditë të para të mandatit të kryetarit të ri, Adrian Gurma.
Ky i fundit mbase duhet ta nisë pikërisht me menaxhimin e plehrave punën e tij për të ndryshuar Sarandën. Foto që shihni është shkrepur sot paradite në një prej rrugëve të qytetit.
Saranda është e mbipopulluar këto ditë me pushues vendas e të huaj. Plehrat nëpër rrugë janë të rrezikshme për shëndetin dhe estetikisht të papranueshme për syrin.
©argjirolajm.net
