Trajneri i Luftëtarit, Julian Ahmataj ka folur për barazimin që skuadra e tij mori në shtëpi ndaj flamurtarit, duke u shprehur i lumtur me lojën e skuadrës së tij, por jo me rezultatin që mori. 

“Nuk më kënaq rezultati pasi të kënaq vetëm fitorja, por jam i kënaqur nga loja pasi ishim të ekuilibruar. Deri në fund kërkuam të fitonim dhe patëm raste më shumë se kundërshtari por nuk fituam. Kisha dy djem të rinj që duan kohën e vet, pasi grupi është krijuar me vonesë dhe duan kohën e tyre.

Ide? Kam një ide më të qartë me futbollistë shumë të mirë pasi duan kohë dhe më shumë stërvitje. Duhet më shumë angazhim dhe nuk kemi luksin të luajmë futboll brilant por të marrim maksimumin nga çdo ndeshje dhe çdo individ.

Flamurtari ka skuadër të mirë, sidomos para. Është skuadër me 5 lojtarë pasur edhe i riu Rrapaj është i mirë. Me kali8min e Aleksit kërkuam të jemi të kujdesshëm dhe na funksionoi pasi kishim raste por në futboll ndodh që rastet humben.

Lojë agresive? Në momentet e para kërkuam të ishim, por kishim skuadër që kishin menduar se çfarë kemi bërë. Në futboll të jepet mundësia të shprehesh por nuk e japim dot futbollin që kërkojnë të gjithë. Në këtë fazë që jemi duhet ekuilibër dhe më pas të ngrihesh e të jesh agresiv për të mbajtur në presion kundërshtarin. Kur do agresivitet mund të dështosh. Rezultatet kanë treguar se skuadra ka humbur në ndeshje të tilla, pasi ka munguar ekuilibri. Kjo duhet të stabilizohet dhe do kohë që të luhet me agresivitet.

Episodi në fund? Nuk jam marrë dhe nuk do të merrem asnjëherë me arbitrimin. Siç gabojnë futbollistët e trajnerët gabojnë edhe arbitrat”, tha Ahmataj.