Kriza në Gjirokastër, Tavo në udhëkryq. Çfarë lëvizje do të bëhet te Luftëtari?


Na ndiqni në Facebook, Instagram dhe Youtube:
  • Facebook
  • Instagram
  • Youtube

Situata te gjirokastritët ka kohë që nuk është e mirë, aspak ajo e pritshmja, sidomos pas Europa Ligës. Luftëtari në katër javët e para të këtij sezoni nuk ka asnjë pikë, dhe që tani, pa e paragjykuar aspak, skuadra duket në rrugën drejt rënies në Kategorinë e Parë. 

Bluzinjtë, janë në një krizë pikësh dhe golash, ndërsa afrimet e verës, duket se nuk po përshtaten fare te bluzinjtë. Humbja me Tiranën duket se ka detyruar presidentin e skuadrës, Grigor Tavo që të mbledhë të gjithë klubin në analizë.

Tavo mësohet se do të marrë edhe masa, ku do të ketë një analizë, për merkaton, si dhe ecurinë në javët e para dhe për këtë pritet që përgjegjësitë të bien mbi stafin teknik dhe trajnerin Kostiç, i cili duket se është me “valixhe në duar”.

Në Gjirokastër, janë tifozët ata të cilët kanë dalë kundër të gjithëve dhe kanë vënë në presion edhe presidencën që të marrë masa një orë e më parë, ndaj edhe presidenti nuk do të mendohet gjatë këtë here ndaj të gjithë stafit.