Kongresi, Rama zbulon nesër emrin e kandidatit për Bashkinë Gjirokastër?


Na ndiqni në Facebook, Instagram dhe Youtube:
  • Facebook
  • Instagram
  • Youtube

Partia Socialiste do të mbledhë nesër Kongresin e saj pak muaj para zgjedhjeve lokale të 30 qershorit. Fokusi i këtij kongresi do të jetë ‘bashkëqeverisja me qytetarët’ dhe kandidatët për kryebashkiakë. Ndonëse Edi Rama ishte shprehur muaj më parë se kandidatët e PS-së do të shpalleshin pikërisht në këtë Kongres, kjo nuk do të ndodhë për të gjitha bashkitë.

Ata që konfirmohen nesër janë Erion Veliaj për Tiranën, Armando Subashi për Fierin, Pjerin Ndreu për Lezhën, Sotiraq Filo për Korçën, Dritan Leli për Vlorën, Gledian Llatja për Elbasanin dhe Majlinda Bufi për Roskovecin. Por ka zëra që thonë se Edi Rama do të zyrtarizojë nesër edhe kandidatët për bashkitë qendër qarku, përfshi këtu edhe Bashkinë Gjirokastër. Por kjo mbetet për t’u parë.

Deri më tani emrat që janë përfolur për Gjirokastrën si kandidatë të mundshëm janë: Artemis Malo, Flamur Golemi, Ornela Çuçi dhe Armand Hila. Ka gjasa që zgjedhjet lokale të shtyhen për muajin tetor për shkak të krizës politike të shkaktuar nga opozita.

Qëllimi është që brenda këtyre muajve të gjendet një dakordësi në mënyrë që edhe opozita të futet në zgjedhje. Rama deri më tani është shprehur i hapur për dialog, por jo për negociata mbi legjitimitetin e qeverisë dhe parlamentit. 

©argjirolajm.net