Në korrik të vitit të shkuar qeveria shpalli zonë të mbrojtur parkun kombëtar të Zagorisë, për shkak të pasurive natyrore dhe kulturore që e gjithë zona ka. Parku Natyror i Zagorisë përfshin rreth 25 mijë hektarë ku përzihen peizazhe malore, fshatra të vegjël karakteristikë, monumente të trashëgimisë kulturore dhe natyrore si hdhe vlera të botës bimore dhe shtazore.
Nuk u desh shumë derisa parku natyror i sapo-shpallur, të rrezikohej nga interesat ekonomike të qeverisë. Ministria e Energjitikës ka autorizuar kompaninë shumëkombëshe të naftës “Shell”, të kryejë rreth 3.000 shpime pusesh në territorin e parkut, për të vlerësuar potencialin naftëmbajtës të “Bllokut 4”.
Kompania “Shell” është duke hedhur me shpejtësi të gjithë hapat që do të çojnë drejt kthimit të zonës së mbrojtur të Zagorisë, i shpallur Park Natyror Kombëtar, në një rajon kërkimi për naftë dhe gaz natyror. Më poshtë VKM-ja që ndalon ndërhyrjet në park, aq më keq kur bëhet fjalë për kërkim nafte e gazi.
