Një ditë më parë në takimet elektorale në Gjirokastër e Libohovë, ministri i Bujqësisë, Bledi Çuçi dhe deputetja Mirela Kumbaro përmendën nenin 325 të Kodit Penal, i cili parashikon dënim me burg për ata që cenojnë apo pengojnë procesin zgjedhor. Po dje, kryebashkiakja e Gjirokastrës, Zamira Rami, i ka nisur një shkresë KZAZ-së, ku i kërkon lirimin e ambienteve publike pasi sipas saj nuk do të ketë zgjedhje në 30 qershor. Rami i referohej çdekretimit të presidentit Ilir Meta për datën 30 qershor.
Kerkohet: Lirimi i menjehershem i ambjenteve te KZAZ-se Nr, 78 ne Pallatin e Sportit te Gjirokastres. Heqja e listës përfundimtare të zgjedhjeve të publikuara dhe të afishuar në institucionet arsimore parashkollore dhe parauniversitare (çerdhe/kopshte/ Shkolla/ në administrimin dhe pronësi të Bashkisë së Gjirokastres”, thuhet në shkresën e firmosur nga kryebashkiakja e Gjirokastrës.
Pyetja që shtrohet në këtë rast është kjo: A do të ketë kallëzim penal në Prokurori për Zamira Ramin dhe kryebashkiakët e tjerë të opozitës? Me shkresën e tyre, ata tentojnë të pengojnë procesin zgjedhor, ndonëse është absurde pasi KZAZ-ja nuk varet nga Bashkia, por jep llogari vetëm tek KQZ-ja. Edhe sikur të marrim të mirëqënë faktin se do të lirohen ambientet e pallatit të sporit pas kërkesës së bashkisë, fare mirë KZAZ-ja mund të shfrytëzojë një objekt tjetër për t’u vendosur. Më poshtë neni 325 i Kodit Penal.
