Një shtetas francez i identifikuar si Renan, ndërkohë që mbiemri i tij nuk dihet, është arrestuar nga policia në Sarandë pasi po drejtonte motoçikletën në gjendje të dehur. Në momentin e kontrollit atij i janë gjetur në çantë 105 mijë euro.
Motoçikleta e cila drejtohej prej tij rezulton në pronësi të një tjetër shtetasi francez Peter Ivan, banues në lagjen 3 në Sarandë. Ai e kishte blerë këtë mjet 9 ditë më parë.
Vijojnë hetimet për zbardhjen e lidhjes mes tyre dhe burimin e parave të gjetura në çantën e shtetasit francez.
