Kapen 230 kg marijuanë në kufirin greko-shqiptar, në pranga 4 grekë


Na ndiqni në Facebook, Instagram dhe Youtube:
  • Facebook
  • Instagram
  • Youtube

Një ngarkesë prej 230 kilogramësh marijuanë është kapur në kufirin greko-shqiptar, në një operacion të zhvilluar nga policia greke.

Në kuadër të këtij operacioni të realizuar në fshatin Likostomo, Janinë, janë arrestuar 4 persona me kombësi greke.

Fillimisht është ndaluar një mjet në të cilin ndodheshin dy femra, përkatësisht 25 dhe 24 vjeç të cilat ishin furnizuar në kufirin e gjelbër.

Në mjetin e këtyre të fundit janë gjetur 77 pakot me 230 kilogramë e 150 gramë marijuanë.

Më pas nga policia helene është ndauar edhe një mjet tjetër që shërbente për kontrollin e rrugës, ku janë arrestuar dy meshkuj greke 22 dhe 24-vjeç.