Kakavijë, doganierët grekë i sekuestrojnë paratë emigrantit shqiptar. Ja çfarë ka ndodhur

Një shtetas shqiptar, i cili po udhëtonte nga Greqia drejt Shqipërisë me një shumë parash, është bllokuar nga autoritetet greke në doganën e Kakavijes. Shqiptari kishte me vete 14 mijë Euro, të cilat nuk i kishte deklaruar tek organet doganore sipas ligjit. Doganierët grekë sekuestruan 25% të shumës së parave, sikurse e parashikon ligji. Kushdo që kalon kufirin dhe ka të paktën 10 mijë Euro, shumën e parave duhet ta deklarojë tek autoritetet doganore përkatëse.