Fiorin Durmishaj ka vendosur përfundimisht se do nuk do të luajë me fanellën e Shqipërisë, por do të luajë me bluzen e Greqisë për eleminatoret e kampionatit Europian 2020..
Sulmuesi me orgjinë vlonjate që luan në Superligën Greke, me skuadrën e Panionis i ka surprizuar të gjithë me zgjedhjen e tij duke vendosur që të mos luajë me Shqipërisë edhe pse ka qenë pjesë e kombëtares U-21.
Në një intervistë të dhënë për median greke “Fosonline” zbuluesi i Durmishajt, Gianis Pavlopulos, ka bërë të ditur se 22-vjeçari ka vendosur që të luajë me Kombëtaren e Greqisë pasi ka zemrën dhe mendjen e një greku.
“Durmishaj është i apasionuar pas futbollit dhe jep 110% nga vetja e tij. E përjeton gjithmonë me emocione të mëdha ndeshjen. Unë jam krenar për të, sepse ka pasur një karrierë të vështirë. Jemi duke folur për një familje të varfër, me shumë probleme.
Duhet ta dini që ky djalë ka kaluar shumë probleme në Greqi, si dhe ka vuajtur racizmin. Kjo është arsyeja se pse ai ka arritur kaq shumë, se ka një shtysë. Pjesa e të luftuarit, e ka bërë atë edhe më të veçantë. Gëzohem kur dëgjoj se ai do të veshë fanellën e Greqisë.
Është më i miri në moshën e tij.Sigurisht që ai është grek, pasi u rrit këtu. Po, e do vendin e prindërve të tij, por gjithashtu do edhe Greqinë. Unë e di që ai ka mendjen dhe zemrën e grekut dhe prandaj do të veshë këtë fanellë e jo të Shqipërisë”, deklaroi Pavlopulos.