Ja si e justifikon humbjen përballë Skënderbeut trajneri i Luftëtarit

Na ndiqni në Facebook dhe Instagram:
  • Facebook
  • Instagram
  • Youtube

Luftëtari nuk ia doli të merrte pikë ndaj Skënderbeut në Gjirokastër dhe gjendja mbetet e vështirë, por trajneri Gentian Mezani ka besim sërish për të ardhmen. Ai ka theksuar pas ndeshjes se skuadra e tij gaboi në rastet e golave dhe ia dhuroi fitoren Skënderbeut: 

Skënderbeu ka qenë superior në qarkullim, por rastet më konkrete i kemi pasur ne në këtë ndeshje. Deri te pësimi i golit, skuadra ka qenë në ekuilibër dhe duhej të ishim pak më të përqendruar, si te goli i parë, edhe te goli i dytë, sepse kishim mundësi t’i evitonim ato raste. Ishin dy aksione, ku jemi treguar neglizhentë dhe ia dhuruam këtë ndeshje Skënderbeut.

Sot kemi humbur pikë, por duhet të jemi sërish optimistë dhe do të bëjmë më të mirën. Duke pasur këto ditë pushim, shpresoj të përmirësohemi nga dita në ditë.

Objektivi im është ndeshja e radhës dhe duhet t’i marrim një nga një. Nuk kam asnjë objektiv dhe duhet të largohemi nga ky vend ku jemi. Nuk dimë të reagojmë pasi pësojmë. Shpresoj që nga ndeshja në ndeshje të marrim përgjegjësi dhe të jemi më lart nga ky vend ku jemi dhe pse jo për të bërë më të mirën. Ku Luftëtar ende nuk është për të menduar objektiva të mëdha dhe duhet vetëm të largohemi nga ky pozicion ku jemi.

Shpresoj që sa më shpejt të afrohet Rroca dhe duhet të kthehet ndeshjen e ardhshme. Skuadrës i kam kërkuar të jetë më lart, por skuadra nuk e ka forcën të bëjë atë që unë kërkoj. Skuadra nuk reagon pas pësimit dhe nuk ka forcë as shpejtësi për të reaguar. Nuk i kemi elementët e duhur për të bërë lojë që të sulmojmë dhe reagojmë. Humbëm një ndeshje nga neglizhenca jonë, jo zotësia e kundërshtarit”, – u shpreh trajneri Mezani.

Sondazh: Votoni personazhin e vitit 2018 në Gjirokastër (lista me 10 kandidatë)