Ecuria pozitive e Luftëtarit në ditën e sotme është ndalur, pas humbjes 3-0 në transfertë kundër Partizanit.

Në një intervistë për “Supersport”, Lika është shprehur se objektivi kryesor i këtij ekipi ka qenë mbijetesa, pavarësisht iluzionit të krijuar me rezultatet pozitive që janë arritur në takimet e fundit.

“Kemi humbur për meritë të kundërshtarit dhe gabimeve tona. Në golin e dytë gaboi shumë edhe portieri dhe kjo vendosi ndeshjen.

Luftëtari e ka qarkulluar lojën, por nuk kemi qenë të rrezikshëm përpara portës. Kampionati është i gjatë dhe duhet të jemi të kujdesshëm, sidomos sa i përket ndeshjeve në shtëpi. Kjo duhet të fillojë që nga ndeshja me Kukësin.

Sigurisht mungesa e Shkurtaj ndihet, por ky ekip ka luajtur edhe pa Bathën. Nuk ndikon shumë axhenda e ngjeshur në rezultate. Tashmë duhet të fitojmë sa më tepër për t’iu shkëputur momentit të keq që jemi gjendur. Rezultatet e mira kanë krijuar edhe iluzionin e Europës, por objektivi i parë ka qenë mbijetes.