Incidenti me këngën për Enver Hoxhën, zbulohet biseda e Ramës me Tërmet Peçin

Na ndiqni në Facebook dhe Instagram:
  • Facebook
  • Instagram
  • Youtube

Të dielën u bë publike një video ku kryebashkiaku i Tepelenës, Tërmet Peçi, shfaqej me këngëtarin e polifonisë, Golik Jaupi, duke kënduar për Enver Hoxhën. PD e quajti akt të rëndë dhe përmes deputetit Tritan Shehu i kërkoi Ramës shkarkimin e Tërmet Peçit. Ne nuk e dimë me siguri nëse Rama ka komunikuar me kryetarin e Tepelenës për këtë incident, por po sjellim më poshtë një bisedë imagjinare mes tyre. Natyrisht që ka brenda doza humori.

Edi Rama: O Tërmet, po ç’qe kjo proçkë që bere mor burrë?

Tërmet Peçi: Komandant, nuk është kaq e madhe sa e bëjnë.

Edi Rama: Po ç’a thu mor burrë, edhe këto më duhen mua tani.

Tërmet Peçi: Komandant, të them të drejtën as vetë nuk e di si ndodhi. Pastaj mos harro ti që unë jam nipi i Shefqet Peçit.

Edi Rama: Kishit pirë gjë apo jo?

Tërmet Peçi: Tani qysh të të them, ne në festë ishim komandant. Pastaj po të rrish me Dinon, si mund të mos pish derman.

Edi Rama: Aaa… po ja hedh Dinos fajin tani, leji këto se s’ka lezet.

Tërmet Peçi: Jo komandant, për kokë të plakës, Dinua e kërkoi këngën për Enverin. S’e kishte me të keq as ai në fakt, thjesht për t’i bërë qejfin veteranëve menduam.

Edi Rama: Dhe Goliku doemos që nuk kishte si të refuzonte.

Tërmet Peçi: Po qysh do e bënte llafin dy Goliku. Ai Enverin ka për komandant, nuk lodhet së kënduari për të. Kurse për mua komandanti je ti.

Edi Rama: Emo leji këto tashi o burrë, pash Zotin.    

Tërmet Peçi: Ti e di që s’të gënjëj.

Edi Rama: Shiko, se mos bën reagim për këtë Tritanin ore se pastaj do të të shkarkoj me vërtet.

Tërmet Peçi: S’bëhet fjalë komandant. Vetëm po foli Luli me Saliun do reagoj.

Edi Rama: Ok tani, shihemi në datë 24 në Tepelenë.

Tërmet Peçi: Të paça sa malet komandant. Mirë se të vish!

© ArgjiroLajm.net 

Sondazh: Votoni personazhin e vitit 2018 në Gjirokastër (lista me 10 kandidatë)