Një tjetër institucion rajonal nuk do të jetë më në Gjirokastër. Radha kësaj here për t’u ‘shkrirë’ i ka ardhur Inspektoriatit Shtetëror të Mjedisit, Pyjeve, Ujërave dhe Turizmit. Drejtoria rajonale që ka funksionuar deri më tani do të transferohet pas disa kohësh në Fier.
Aty do të jetë i përqëndruar ky inspektoriat për të gjithë jugun e vendit, njësoj siç u bë me Drejtorinë Arsimore apo siç po planifikohet edhe për Gjykatën e Apelit. Ndarja e vendit me rajone është një formë organizimi edhe në nivel politik për socialistët. Rajonin e jugut ata ia kanë lënë ta drejtojë kryetari i Kuvendit, Gramoz Ruçi.
Kjo ndarje dhe përqëndrimi i institucioneve në disa qytete bëhet edhe për të reflektuar ndryshimet demografike që ka pësuar vendi.
Një numër i madh njerëzish janë larguar nga zonat e tyre, duke u zhvendosur në qendrat e mëdha urbane apo disa kanë zgjedhur të shkojnë jashtë shtetit.
©argjirolajm.net
