Trajneri i Luftëtarit, Gentian Mezani është shprehur i zhgënjyer për humbjen e skuadrës së tij përballë Laçit me rezultatin 0-1 dhe në një prononcim për “Supersport”, është shprehur se do të donte më shumë pikët sesa lojën e mirë.
“E pamerituar, mund të luash shumë mirë dhe humbet. Mua më duheshin pikët, skuadrës i duheshin pikët, do të preferoja të luaja keq e merrja pikët. E kotë të flas më shumë për gabimin, e keni parë vetë.
Rroca duhet padiskutim që të jetë më mirë fizikisht, por është lojtar që na jep një tjetër ritëm në lojë, na jep pasin final që na ka munguar në ndeshjet e para. Ndeshjen e kaluar e bëri mirë, sot bëri mirë se nuk është ende në maksimum, por ndihmon skuadrën në çdo moment edhe me këtë gjendje, Ai është lojtar që bën diferencën ndaj e lashë në fushë deri në fund.
Shkurtaj kërkonte ta merrte topi në lirshëm, se ishte i markuar. I kërkova të qëndronte më shumë në zonë, se humbnim forcë përpara. Por ai markohej mirë dhe kërkonte hapësira. Ai mundohej të sulmonte duke kaluar më shumë në krah”, u shpreh Mezani.
