Greqia ndryshon qëndrim për Kacifas, parlamenti e nderon me 1 minutë heshtje

Ajo që ishte refuzuar disa ditë më parë, ndodhi sot. Parlamenti grek ka mbajtur 1 minutë heshtje në kujtim të ekstremistit Kostandinos Kacifas, i cili u vra gjatë shkëmbimit të zjarrit me forcat RENEA. Ky akt nderimi për të është bërë me propozim të kryetarit të parlamentit, Nikitas Kaklamanis.

“Ne shprehim simpatinë tonë të palëkundur ndaj familjes së Epiroit Konstantinos Katsifas dhe dënimit të çuditshëm të policisë shqiptare në Bularat. Unë kërkoj miratimin e Parlamentit, sepse nuk parashikohet në Rregulloren e Punës, të mbajë një minutë heshtje”, tha Nikitas Kaklamanis, duke hapur seancën plenare të sotme.

Një minutë heshtje ishte refuzuar disa ditë më parë kur u kërkua nga deputetë të Agimit të Artë. Nuk dihet se çfarë ka ndryshuar në qëndrim kësaj here. Por me siguri që partia në pushtet, SYRIZA i druhet faktit se kjo ngjarje po përdoret nga opozita për qëllime elektorale. Kujtojmë që në verë të këtij viti do të mbahen zgjedhjet parlamentare në Greqi. Partia opozitare Demokracia e Re kryeson në sondazhe.