Drejtuesi i portalit Vipsport.al Fation Shehu duke folur në Rubrikën Sportive në RTSH, shpjegoi edhe një ngas arsyet se pse Luftëtari aktualisht ka bërë një ndryshim kaq të madh me paraqitje të mira kohët e fundit. “Ka ndryshime te Luftëtari, ka afruar një administrator të ri. Kanë marrë administrator një person nga fusha e gjyqësorit. Është një ish-gjyqtar, një personalitet në Gjirokastër, po merret ai me administrimin e Luftëtarit”, tha Shehu pa dhënë emrin e administratorit.
Por mendohet që ish-gjyqtari i cili ka marrë administrimin e Luftëtarit të jetë Artan Laze. Ai ka ushtruar detyrën e gjyqtarit si dhe të kryetarit të Gjykatës së Gjirokastrës në vitet 2003-2009. Më pas ishte gjyqtar në Gjykatën e Tiranës. Artan Laze njihet si një tifoz i Luftëtarit dhe që e ka ndjekur ekipin pothuajse në cdo ndeshje.
Ish-gjyqtari u shkarkua nga Komisioni i Pavarur i Kualifikimit në verë të vitit 2018 pasi kishte probleme me pasurinë.
Sidoqoftë nuk dihet ende me siguri nëse ish-gjyqtari që përmend Fation Shehu është pikërisht Artan Laze apo jo. Klubi Luftëtari s’ka zyrtarizuar ende asnje vendim për ndryshim administratori.
©argjiroja.net